خواتین کو بااختیار بنانا پائیدار ترقی کی کنجی ہے، خاتونِ اول آصفہ بھٹو زرداری

منامہ: خاتونِ اول آصفہ بھٹو زرداری نے کہا ہے کہ خواتین کو بااختیار بنانا صرف انصاف کا تقاضہ نہیں بلکہ پائیدار ترقی کے دروازے کھولنے کی کنجی ہے۔ وہ بحرین میں شہزادی سبیکہ بنتِ ابراہیم الخلیفہ گلوبل ایوارڈ برائے خواتین کی بااختیاری کی تقریب سے خطاب کر رہی تھیں۔

خاتونِ اول نے مملکتِ بحرین کی قیادت اور خواتین کے لیے کیے گئے اقدامات کو خراجِ تحسین پیش کرتے ہوئے کہا کہ یہ ایوارڈ خواتین کی شمولیت، انصاف اور مساوی مواقع کی نمائندگی کرتا ہے۔

آصفہ بھٹو زرداری نے کہا کہ پاکستان میں محترمہ فاطمہ جناح سے لے کر شہید بے نظیر بھٹو تک پُرعزم خواتین رہنماؤں نے نہ صرف سیاست بلکہ معاشرتی ڈھانچے کو بھی بدل دیا۔

انہوں نے کہا کہ شہید بے نظیر بھٹو نے اسلامی دنیا کی پہلی خاتون وزیرِ اعظم منتخب ہو کر خواتین کی قیادت کے معنی بدل دیے، ان کے اقدامات جیسے لیڈی ہیلتھ ورکر پروگرام اور لڑکیوں کی تعلیم کا فروغ آج بھی قابلِ تقلید ہیں۔

خاتونِ اول آصفہ بھٹو زرداری نے مزید کہا کہ شہید بے نظیر بھٹو کی زندگی آج بھی ہر اُس پاکستانی کے لیے مشعلِ راہ ہے جو ایک منصف اور خوشحال قوم کا خواب دیکھتا ہے۔

خواتین کو بااختیار بنانا پائیدار ترقی کی کنجی ہے، خاتونِ اول آصفہ بھٹو زرداری

Web Desk

متعلقہ عنوانات

برطانیہ میں دہشت گردی کے شبہ میں گرفتار 5 افراد ضمانت پر رہا

غزہ میں نیتن یاہو کی پیدا کردہ تکالیف کو جائز قرار نہیں دے سکتے، برطانوی وزیر خارجہ

ایران کے متعدد سابق حکومتی عہدیداران کا حکومت کو خط، این پی ٹی معاہدے سے نکلنے کا مطالبہ

ٹرمپ انتظامیہ کا زائرین کی پروازیں بحال کرنے کیلئے ایران پر عائد پابندیوں میں نرمی کا فیصلہ

احتجاج کے علاوہ کوئی اور راستہ نہیں ہے، بیرسٹر گوہر

گورنر راج کی دھمکیوں پر اپنے مؤقف سے پیچھے نہیں ہٹوں گا، سہیل آفریدی

سرفراز بگٹی کی چوہدری شجاعت سے ملاقات، بلوچستان کی صورتحال پر گفتگو

حکومت نے پٹرولیم مصنوعات کی قیمتوں میں کمی کردی