LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

امریکہ میں پاکستانی سفیر کی اعلیٰ امریکی قیادت سے اہم ملاقاتیں

Web Desk

9 January 2026

امریکہ میں سفیرِ پاکستان رضوان سعید شیخ کی اعلیٰ امریکی قیادت سے ملاقاتوں کا سلسلہ جاری ہے، اسی سلسلے میں انہوں نے امریکی کانگریس کی آرمڈ سروسز کمیٹی کے چیئرمین مائیک راجرز سے ایک اہم ملاقات کی۔

ملاقات کے دوران پاک امریکا تعلقات، دوطرفہ تعاون اور علاقائی و عالمی سلامتی کے امور پر تفصیلی تبادلہ خیال کیا گیا۔ سفیرِ پاکستان رضوان سعید شیخ نے کہا کہ پاک امریکا تعلقات کے تناظر میں سال 2025 اہم کامیابیوں کا حامل رہا، جبکہ سال 2026 میں دوطرفہ تعاون کے دائرہ کار کو مزید وسعت دی جائے گی۔

سفیر پاکستان نے کہا کہ قومی سلامتی کے نقطہ نظر میں پاکستان کی توجہ جغرافیائی سیاست سے بڑھ کر جیواکنامکس پر مرکوز ہے۔ انہوں نے مئی 2025 کے واقعات کی جانب توجہ دلاتے ہوئے کہا کہ بھارت کے غیر ذمہ دارانہ اور جارحانہ رویے کے باعث خطے کی سلامتی کو سنگین خطرات لاحق ہوئے اور جارحیت کی دہلیز خطرناک حد تک کم ہو چکی ہے۔

رضوان سعید شیخ نے کہا کہ جوہری صلاحیت کی حامل دو ریاستوں کے درمیان تصادم اب روایتی جنگ سے نکل کر جدید ٹیکنالوجی کے استعمال تک پہنچ چکا ہے، جبکہ 1.7 ارب آبادی کے حامل خطے میں براہموس میزائل جیسے دوہری صلاحیت کے حامل ہتھیاروں کا استعمال انتہائی تشویش ناک ہے۔

انہوں نے خبردار کیا کہ خدشات اور غلط فہمیوں پر مبنی فیصلے علاقائی امن و سلامتی کے لیے نقصان دہ ثابت ہو سکتے ہیں۔ ان کا کہنا تھا کہ مئی 2025 کے واقعات نے ثابت کیا کہ انڈو پیسیفک کے حوالے سے بھارتی اعلانیہ مؤقف کے باوجود اس کی فوجی صلاحیت کا بڑا حصہ پاکستان کے خلاف استعمال ہو رہا ہے۔

سفیر پاکستان نے مئی کے بحران پر قابو پانے میں امریکی صدر کی سیاسی بصیرت اور ذاتی دلچسپی کو سراہتے ہوئے اسے لائق تحسین قرار دیا۔ انہوں نے واضح کیا کہ پاکستان اور بھارت کے درمیان بنیادی اور حل طلب مسئلہ کشمیری عوام کا حق خودارادیت ہے اور پائیدار علاقائی امن و استحکام کے لیے امریکا کی مسلسل شمولیت اور وابستگی انتہائی اہم ہے۔

رضوان سعید شیخ نے کہا کہ پاکستان میں دہشت گردانہ سرگرمیوں کے تانے بانے افغانستان سے ملتے ہیں، سال 2024 میں دہشت گردی کے واقعات میں 40 فیصد جبکہ سال 2025 میں مزید 25 فیصد اضافہ دیکھنے میں آیا۔ انہوں نے افغانستان سے انخلا کے وقت پیچھے رہ جانے والے جدید اسلحے کے غلط استعمال کو پاکستان کے امن و سلامتی کے لیے سنگین خطرہ قرار دیا۔

ملاقات میں اس بات پر بھی اتفاق کیا گیا کہ دوطرفہ مفادات سے متعلق معاملات پر ادارہ جاتی اور منظم مکالمے کے عمل کو جلد از جلد مستحکم کیا جائے گا۔