پہلا ٹی 20: پاکستان نے سری لنکا کو 6 وکٹوں سے ہرا دیا

کھیلے گئے ٹی ٹوئنٹی سیریز کے پہلے میچ میں پاکستان نے سری لنکا کی جانب سے ملنے والا 129 رنز کا ہدف 16.4 اوورز میں 4 وکٹوں کے نقصان پر حاصل کر لیا۔ صاحبزادہ فرحان 51 رنز بنا کر نمایاں رہے، جبکہ صائم ایوب 24، سلمان علی آغا 16 اور فخر زمان 5 رنز بنا کر آؤٹ ہوئے۔

اس سے قبل پاکستان کے کپتان سلمان علی آغا نے ٹاس جیت کر میزبان ٹیم کو بیٹنگ کی دعوت دی۔ سری لنکا کی پوری ٹیم آخری اوور میں 129 رنز بنا کر ڈھیر ہو گئی۔ جنیت لیانج 40 رنز کے ساتھ ٹاپ اسکورر رہے، جبکہ چارتھ اسالنکا اور ونندو ہسارنگا نے 18، 18 رنز بنائے۔ کوشال مینڈس 14، پتھم نسانکا اور داسن شاناکا 12، 12 جبکہ دھننجایا ڈی سلوا 10 رنز بنا سکے۔

پاکستان کی جانب سے سلمان مرزا اور ابرار احمد نے 3، 3 وکٹیں حاصل کیں، جبکہ محمد وسیم جونیئر اور شاداب خان نے 2، 2 کھلاڑیوں کو آؤٹ کیا۔ ابرار احمد نے ونندو ہسارنگا کو آؤٹ کر کے انہی کے انداز میں جشن منا کر شائقین کی توجہ حاصل کی۔