وزیراعظم شہباز شریف سرکاری دورہ آذربائیجان کے لیے روانہ

وزیراعظم شہباز شریف آذربائیجان کے صدر الہام علیوف کی دعوت پر آذربائیجان کے یوم فتح کی پانچویں سالگرہ کی تقریب میں شرکت کے لیے دارالحکومت باکو روانہ ہو گئے ہیں۔ وزیرِ اعظم کے ہمراہ وفاقی وزیر اطلاعات و نشریات عطاء اللہ تارڑ بھی موجود ہیں۔

دورے کے دوران وزیراعظم علیوف سے ملاقات کریں گے، جس میں دونوں ممالک کے درمیان دو طرفہ تعلقات کے تمام پہلوؤں کا جائزہ لیا جائے گا۔ گفتگو میں تجارت و سرمایہ کاری، توانائی، دفاع، تعلیم اور علاقائی رابطوں سمیت دیگر شعبوں میں تعاون کو مزید گہرا کرنے کے لیے نئی راہیں تلاش کرنے پر توجہ مرکوز ہوگی۔

وزیراعظم شہبازشریف کا کہنا ہے پاکستان اور آذربائیجان کے تعلقات دیرینہ برادرانہ ہیں، جن کی جڑیں مشترکہ عقیدے، تاریخ، ثقافت اور باہمی اعتماد میں مضمر ہیں۔ دونوں ممالک اسلامی تعاون کی تنظیم (OIC)، اقتصادی تعاون تنظیم (ECO) اور اقوام متحدہ (UN) جیسے بین الاقوامی فورمز پر بھی قریبی تعاون جاری رکھے ہوئے ہیں۔

اس سرکاری دورے کا مقصد آذربائیجان کی خودمختاری اور علاقائی سالمیت کے لیے پاکستان کی ثابت قدم حمایت اور دونوں ممالک کے درمیان اسٹریٹجک شراکت داری کو مزید مضبوط کرنا ہے۔

وزیراعظم شہباز شریف سرکاری دورہ آذربائیجان کے لیے روانہ

Web Desk

متعلقہ عنوانات

فیلڈ مارشل عاصم منیر سے سوڈانی وزیر داخلہ کی ملاقات، سکیورٹی تعاون مزید مضبوط بنانے پر اتفاق

بلاول بھٹو کی لاڑکانہ کے ترقیاتی منصوبوں کی بروقت تکمیل یقینی بنانے کی ہدایت

پاکستان اور روس کے درمیان بدعنوانی اور منی لانڈرنگ کیخلاف اہم معاہدہ

حافظ نعیم الرحمٰن کا کراچی میں گراؤنڈ کا افتتاح، کھلاڑیوں کو تحریک چلانے کا مشورہ

روس میں بٹ کوائن سمیت 3 کرپٹو کرنسیوں کی خریداری کی اجازت دینے کا فیصلہ

سپریم کورٹ نے ملزم کی ضمانت منسوخ کرنے کیلئے 8 اصول طے کر دیئے

تاجر برادری کے مطالبے پر جنوری میں مزید مال گاڑیاں چلائیں گے: وزیر ریلوے

تھر کے کوئلے کی پیداوار بڑھا کر صنعتی ترقی کا ذریعہ بنایا جا رہا ہے: شرجیل میمن