LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پی ایس ایل کی ساتویں ٹیم حیدر آباد 175، آٹھویں سیالکوٹ 185 کروڑ میں فروخت

Web Desk

8 January 2026

پاکستان سپر لیگ (پی ایس ایل) میں دو نئی ٹیموں کی نیلامی کی تقریب اسلام آباد میں منعقد ہوئی، جس میں پی ایس ایل کی ساتویں ٹیم 175 کروڑ روپے جبکہ آٹھویں ٹیم 185 کروڑ روپے میں فروخت ہوگئی۔

جناح کنونشن سینٹر اسلام آباد میں ہونے والی اس تقریب میں پاکستان کرکٹ بورڈ (پی سی بی) کے چیئرمین محسن نقوی، وفاقی وزرا، سابق و موجودہ کھلاڑیوں اور اعلیٰ حکام کی بڑی تعداد نے شرکت کی۔

تقریب کے آغاز میں نیلامی میں حصہ لینے والے 9 بڈرز اور 6 ممکنہ شہروں کا تعارف کرایا گیا، جس کے بعد چیئرمین پی سی بی محسن نقوی نے گھنٹی بجا کر نیلامی کے عمل کا باضابطہ آغاز کیا۔ نیلامی میں وسیم اکرم نے آکشنر کے فرائض انجام دیے۔ ٹیموں کے لیے بیس پرائز 110 کروڑ روپے مقرر کیا گیا تھا، جبکہ بولی میں کم از کم ایک کروڑ روپے اضافے کی شرط رکھی گئی تھی۔

ابتدائی مرحلے میں ایف کے ایس گروپ نے 175 کروڑ روپے کی بولی دے کر پی ایس ایل کی ساتویں ٹیم حاصل کی، جس کے لیے حیدرآباد شہر کا انتخاب کیا گیا۔ نیلامی کے دوسرے اور آخری مرحلے میں اوزی ڈویلپرز نے 185 کروڑ روپے کی بولی کے ساتھ پی ایس ایل کی آٹھویں ٹیم خریدی، جس کا نام سیالکوٹ رکھا گیا۔

نیلامی سے قبل تقریب میں حالیہ بین الاقوامی ٹورنامنٹس میں شاندار کارکردگی پر پاکستان شاہینز اور ہانگ کانگ سپر سکسز کی فاتح ٹیموں کو انعامات سے نوازا گیا۔ چیئرمین پی سی بی محسن نقوی نے کھلاڑیوں میں انعامی رقوم تقسیم کیں۔ ہانگ کانگ سپر سکسز جیتنے والی پاکستانی ٹیم کو ایک کروڑ 85 لاکھ روپے جبکہ رائزنگ اسٹارز ایشیا کپ کی فاتح ٹیم کو 9 کروڑ روپے دیے گئے۔

تقریب سے خطاب کرتے ہوئے پی ایس ایل کے سی ای او سلمان نصیر نے کہا کہ لیگ کی ایک دہائی چیلنجز اور کامیابیوں سے بھرپور رہی ہے۔ انہوں نے کہا کہ پی ایس ایل اپنی بقا کی جنگ نہیں بلکہ مسلسل ترقی کی جانب گامزن ہے۔ انہوں نے ٹیموں، کھلاڑیوں، اسپانسرز، فرنچائزز اور شائقین کا شکریہ ادا کرتے ہوئے کہا کہ انہی کی بدولت پی ایس ایل آج دنیا کی بہترین کرکٹ لیگز میں شامل ہو چکی ہے۔

واضح رہے کہ پی ایس ایل سیزن 11 کا انعقاد 26 مارچ سے 3 مئی 2026ء تک ہوگا، جبکہ نئی ٹیموں کی شمولیت کے بعد پی ایس ایل میں ٹیموں کی تعداد 6 سے بڑھ کر 8 ہو جائے گی۔