تھائی لینڈ میں 65 سالہ خاتون کی میت جلائے جانے سے کچھ دیر قبل جاگ اُٹھی

تھائی لینڈ میں ایک حیران کن واقعہ پیش آیا جہاں دو سال سے بسترِ مرگ پر رہنے والی 65 سالہ خاتون کو رات دو بجے مردہ قرار دے کر تابوت میں رکھ دیا گیا۔ آخری رسومات کی تیاری کے دوران مندر کے ملازم کو تابوت کے اندر سے ہلکی آواز اور دستک سنائی دی۔

جب تابوت کھولا گیا تو خاتون زندہ تھیں، سانس لے رہی تھیں اور حرکت کر رہی تھیں لیکن بولنے کے قابل نہیں تھیں۔
مندر کے سربراہ کا کہنا تھا کہ انہوں نے اپنی سروس میں ایسا واقعہ کبھی نہیں دیکھا۔

واضح رہے کہ خاتون کو موت کے سرٹیفکیٹ کے بغیر مندر لایا گیا تھا، جس سے غلط فہمی پیدا ہوئی۔