وزیراعلیٰ سہیل آفریدی سمیت خیبرپختونخوا کے 5 ایم پی ایز اشتہاری قرار

اسلام آباد: عدالت کی جانب سے وزیراعلیٰ خیبرپختونخوا سہیل آفریدی سمیت پانچ ایم پی ایز کو اشتہاری قرار دے دیا گیا۔ دیگر ملزمان میں مینا خان، امجد علی، شفیع اللہ جان اور اقبال آفریدی شامل ہیں۔

عدالت نے بتایا کہ یہ پانچوں ملزمان سی ٹی ڈی اسلام آباد کے دو مقدمات میں اشتہاری قرار دیے گئے ہیں۔ عدالت کے اشتہاری حکم کے مطابق، ملزمان کو 30 روز کے اندر عدالت میں پیش ہونا ہوگا۔

عدالت نے واضح کیا کہ اگر ملزمان 30 دن تک پیش نہ ہوئے تو ان کے خلاف قانونی کارروائی کی جائے گی۔