LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پی ایس ایل ٹیموں کی نیلامی میں 5 امریکی کمپنیوں نے حصہ لیا: محسن نقوی

Web Desk

8 January 2026

پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ آج ہونے والی نیلامی پی ایس ایل، پی سی بی اور پاکستان کی بڑی کامیابی ہے، جبکہ پی ایس ایل کی دو نئی ٹیموں کی نیلامی میں امریکا سے پانچ کمپنیوں نے بھی حصہ لیا، جو پاکستان پر بڑھتے عالمی اعتماد کا واضح ثبوت ہے۔

پی ایس ایل کی دو نئی ٹیموں کی کامیاب نیلامی کے بعد چیئرمین پی سی بی محسن نقوی نے نئی فرنچائزز کے مالکان کے ہمراہ پریس کانفرنس کرتے ہوئے کہا کہ نیلامی کے دوران سخت مقابلہ دیکھنے میں آیا اور شفافیت کو یقینی بنایا گیا۔ ان کا کہنا تھا کہ آج ہم سب کے لیے بطور پاکستانی خوشی کا دن ہے اور یہ پی سی بی اور اس کی ٹیم کی اجتماعی کامیابی ہے۔

محسن نقوی نے کہا کہ فواد سرور پاکستانی ہیں جو امریکا میں مقیم ہیں، مگر پاکستان سے ان کی محبت اس بات کا ثبوت ہے کہ وہ یہاں آکر سرمایہ کاری کر رہے ہیں۔ انہوں نے اپنی ٹیم کو کریڈٹ دیا جنہوں نے امریکا میں روڈ شوز کا انعقاد کیا۔ ان کے مطابق آج کا دن پوری قوم کے لیے خوشی کا باعث ہے۔

اس موقع پر امریکی ناظم الامور نیٹلی بیکر نے کہا کہ پاکستان کرکٹ میں امریکی شراکت کا خیرمقدم کیا جاتا ہے۔ انہوں نے فیلڈ مارشل اور وزیراعظم کی کرکٹ کے فروغ کے لیے کاوشوں کو سراہتے ہوئے کہا کہ پی ایس ایل میں آسٹریلیا، پاکستان اور امریکا ایک ساتھ نظر آ رہے ہیں، اور انہیں خوشی ہے کہ پاکستان میں امریکی سرمایہ کاری ہو رہی ہے۔

چیئرمین پی سی بی نے کہا کہ آنے والا سرمایہ پاکستان میں کھیلوں پر خرچ ہوگا، نیلامی میں چار سے پانچ بڈرز امریکی کمپنیاں تھیں، اور امریکا کے ساتھ پاکستان میں سرمایہ کاری کا عمل جاری ہے۔ انہوں نے کہا کہ وزیراعظم، فیلڈ مارشل اور پوری قوم اس پیش رفت پر خوش ہے۔ ان کے مطابق آج صرف نیلامی نہیں ہوئی بلکہ یہ پاکستان پر بڑھتے اعتماد کا اظہار ہے، پی ایس ایل صرف ایک کرکٹ ایونٹ نہیں بلکہ پاکستان میں سرمایہ کاری پر بھروسے کی علامت ہے۔

محسن نقوی نے مزید کہا کہ اب حیدرآباد اور سیالکوٹ میں اسٹیڈیم بنانے کا موقع آگیا ہے۔ پی ایس ایل میں اب آٹھ ٹیمیں ہیں اور پہلے انہی کو مستحکم کیا جائے گا۔ انہوں نے کہا کہ ہم تنقید کا جواب باتوں سے نہیں بلکہ کام کر کے دیتے ہیں، پی ایس ایل جو پہلے نقصان میں تھی اب نفع کی طرف جا رہی ہے اور اس کا فائدہ عوام کو دکھائیں گے۔

اس موقع پر ایف کے ایس گروپ کے مالک فواد سرور نے کہا کہ انہیں بے حد خوشی ہو رہی ہے اور ان کا بچپن کا خواب پورا ہوا ہے۔ انہوں نے اپنی ٹیم کا شکریہ ادا کرتے ہوئے کہا کہ یہ سرمایہ کاری دونوں ممالک کے درمیان تعلقات کو مزید مضبوط بنائے گی۔

او زی گروپ کے مالک حمزہ مجید نے کہا کہ کرکٹ ہمارے خون میں شامل ہے۔ انہوں نے کہا کہ سیالکوٹ کے پاس پہلے ایئرپورٹ تھا اور اب کرکٹ ٹیم بھی آ گئی ہے۔ ان کا کہنا تھا کہ انشاء اللہ وہ پی ایس ایل سیزن 11 جیتنے کی بھرپور کوشش کریں گے۔