32 ویں ٹیکسٹائل ایشیا انٹرنیشنل نمائش کا لاہور ایکسپو سینٹر میں شاندار آغاز

لاہور ایکسپو سینٹر میں 32 ویں ٹیکسٹائل ایشیا انٹرنیشنل نمائش کا شاندار آغاز ہو گیا ہے۔ یہ جنوبی ایشیا کی سب سے بڑی ٹیکسٹائل، گارمنٹ مشینری اور ڈیجیٹل ٹیکنالوجی نمائش ہے جس میں دنیا بھر سے صنعتکار، سرمایہ کار اور خریدار بڑی تعداد میں شرکت کر رہے ہیں۔

اس عالمی نمائش میں چین، ترکیہ، جرمنی، اٹلی، جاپان، جنوبی کوریا، ملائیشیا، اور روس سمیت دیگر کئی اہم ممالک کے کاروباری وفود تشریف لائے ہیں۔ نمائش کے منتظمین کے مطابق، اس بار 2 ہزار سے زائد عالمی برانڈز اور 425 سے زائد بین الاقوامی کمپنیاں اپنی جدید ترین مصنوعات اور ٹیکنالوجی کے ساتھ نمائش کا حصہ بنی ہیں، جو پاکستان کی ٹیکسٹائل انڈسٹری کے لیے انتہائی سودمند ثابت ہوگی۔