27ویں ترمیم،آئین کے خلاف چھپی ہوئی سازش ہے،بیرسٹر علی ظفر

تحریک انصاف کے پارلیمانی لیڈر بیرسٹر علی ظفر نے 27 ویں آئینی ترمیم کو آئین کے خلاف چھپی ہوئی سازش قرار دیا ہے اور کہا کہ یہ پورا پیکج مشترکہ فیصلہ کے تحت مسترد کیا جائے گا۔

علی ظفر کا کہنا ہے کہ پیپلزپارٹی صرف نوراکشتی کے لیے یہ ترمیم آگے بڑھا رہی ہے اور پہلے ہی پاکستان مسلم لیگ ن کے ساتھ مل کر آئینی ترمیم کر رہی ہے۔ انہوں نے اعلان کیا کہ تحریک انصاف ہراپوزیشن جماعتوں سے رابطہ کرے گی تاکہ ترمیم کے خلاف مشترکہ موقف اختیار کیا جا سکے۔

بیرسٹر علی ظفر نے واضح کیا کہ 27 ویں آئینی ترمیم کا ابھی تک کوئی ڈرافٹ موجود نہیں ہے۔ انہوں نے کہا کہ آئین انسانی جسم کی طرح ہے، اگر اس کے دل، دماغ اور آنکھیں نکال دی جائیں تو ملک کیسے چلے گا۔ الیکشن کمیشن، الیکشن نظام، سپریم کورٹ اور عدلیہ آئین کے دل و دماغ ہیں۔

انہوں نے مزید کہا کہ آرٹیکل 243 کے مطابق مسلح افواج کے کمانڈرز کے چیف صدر مملکت ہیں اور وزیراعظم کے پاس آرمی چیف اور سروسز چیفس کی تعیناتی کا اختیار ہے۔ اس میں تبدیلی کی کوشش کی جا رہی ہے تاکہ طاقت کا تبادلہ یا تبدیلی کی جا سکے۔

بیرسٹر علی ظفر نے زور دیا کہ تحریک انصاف آئینی ترمیم کے خلاف ہر ممکن سیاسی اقدام کرے گی اور اسے منظور ہونے سے روکنے کے لیے مکمل جدوجہد کرے گی۔

27ویں ترمیم،آئین کے خلاف چھپی ہوئی سازش ہے،بیرسٹر علی ظفر

Web Desk

متعلقہ عنوانات

یمنی فورسز کا حوثی فوجی کیمپ پر فضائی حملہ، 7 افراد ہلاک

پاکستان کا افغان طالبان کو ڈی مارش، فضائی حدود کی خلاف ورزی پر شدید احتجاج

ماسکو میں عالمی مذہبی اجتماع، حسین محی الدین قادری پاکستان کی نمائندگی کریں گے

بانی پی ٹی آئی کا وزیر اعلیٰ خیبر پختونخوا سہیل آفریدی پر مکمل اعتماد ہے، انہیں ہٹانے کی خبروں میں کوئی صداقت نہیں: بیرسٹر گوہر

امریکا سفارت کاری کرے یا مقابلہ، ایران دونوں کیلئے تیار ہے: عباس عراقچی

امریکا کو جواب دینا ہوگا، مذاکرات چاہتا ہے یا خلل ڈالنا؟ ایرانی صدر

حکمرانوں کے ناجائز معاہدوں نے ملکی معیشت کو تباہ کیا: حافظ نعیم الرحمان

مبینہ زیادتی کیس: غیر ملکی خاتون بیان ریکارڈ کرانے کیلئے پیر کو عدالت طلب