سکیورٹی فورسز کے 2 کامیاب آپریشنز،فتنۃ الخوارج کے 23 دہشتگرد ہلاک
Web Desk
20 November 2025
19 نومبر 2025 کو سیکیورٹی فورسز نے خیبر پختونخوا کے ضلع کرم میں دو الگ الگ کارروائیوں کے دوران بھارتی حمایت یافتہ فتنہ الخوارج سے تعلق رکھنے والے 23 خوارج کو ہلاک کر دیا۔
آئی ایس پی آر کے مطابق خوارج کی موجودگی کی اطلاع پر سیکیورٹی فورسز نے ایک ٹارگٹڈ آپریشن کیا۔ کارروائی کے دوران فورسز کے جوانوں نے خوارج کے ٹھکانے کو مؤثر انداز میں نشانہ بنایا اور شدید فائرنگ کے تبادلے کے بعد 12 خوارج کو جہنم واصل کردیا۔اسی علاقے میں خوارج کے ایک اور گروہ کی موجودگی سے متعلق خفیہ معلومات پر دوسری انٹیلی جنس بیسڈ کارروائی کے دوران مزید 11 خوارج کو بھی کامیابی سے ہلاک کیا گیا۔
علاقے میں مزید بھارتی سرپرستی یافتہ خوارج کی تلاش اور خاتمے کے لیے کلیئرنس آپریشن جاری ہے۔ سیکیورٹی فورسز اور قانون نافذ کرنے والے ادارے عزمِ استحکام کے تحت اپنی بھرپور انسدادِ دہشت گردی مہم کو پوری قوت کے ساتھ جاری رکھے ہوئے ہیں تاکہ بیرونی حمایت یافتہ دہشت گردی کے ناسور کا مکمل طور پر خاتمہ کیا جا سکے
وزیر اعظم کا 23 خوارج کو ہلاک کرنے پر سیکیورٹی فورسز کو خراج تحسین
وزیرِ اعظم محمد شہباز شریف نے کرم، خیبر پختونخوا میں فتنۂ الخوارج کے خلاف کامیاب آپریشنز پر سیکیورٹی فورسز کے افسران و اہلکاروں کو خراجِ تحسین پیش کیا ہے۔
وزیرِ اعظم نے 23 خارجیوں کو جہنم واصل کرنے پر سیکیورٹی فورسز کے جوانوں کی پیشہ ورانہ مہارت اور بہادری کی تعریف کی۔وزیرِ اعظم نے کہا کہ دہشت گردی کے عفریت کے ملک سے مکمل خاتمے تک اس کے خلاف جنگ جاری رکھی جائے گی۔انہوں نے کہا کہ مجھ سمیت پوری قوم وطنِ عزیز کے دفاع کے غیر متزلزل عزم میں افواجِ پاکستان کے شانہ بشانہ کھڑی ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026