آسٹریلیا میں 2 چھوٹے طیارے آپس میں ٹکرا گئے، ایک پائلٹ ہلاک

آسٹریلیا کے شہر سڈنی میں دوران پرواز 2 چھوٹے طیارے ایک دوسرے سے ٹکرا گئے، ایک پائلٹ ہلاک ہو گیا۔

جنوب مغربی سڈنی میں یہ دونوں طیارے پرواز کے دوران ایک دوسرے سے ٹکرائے، تصادم سے ایک چھوٹا طیارہ زمین پر گر کر تباہ ہوگیا اور اس میں موجود پائلٹ ہلاک ہوگیا، اس پائلٹ کی لاش کو ریسکیو عملے نے طیارے میں دریافت کیا۔حکام نے بتایا کہ دوسرا طیارہ ہوائی اڈے پر بحفاظت اتر گیا اور پائلٹ محفوظ رہا، یہ تصادم نیپیئر فیلڈ ائیر فیلڈ کے قریب پیش آیا اور مقامی افراد کو جائے حادثہ پر جانے سے روک دیا گیا ہے۔ابھی یہ واضح نہیں کہ آخر یہ دونوں طیارے کیسے ایک دوسرے سے ٹکرا گئے، آسٹریلین ٹرانسپورٹ سیفٹی بیورو کی جانب سے واقعے کی تحقیقات کی جائے گی۔بتایا گیا ہے کہ یہ دونوں طیارے دیگر مزید 2 طیاروں کے ساتھ فضائی کرتب پر مبنی پرواز کر رہے تھے