ایران کے شہر قم پر امریکا اور اسرائیل کا حملہ، 18 شہری شہید

ایران کے شہر قم میں رہائشی علاقے پر امریکی و اسرائیلی حملے میں اٹھارہ شہری  شہید ہو گئے۔
پاسدارانِ انقلاب سے وابستہ فارس نیوز ایجنسی اور تسنیم کے مطابق یہ حملہ جمعے کی صبح شہر کے علاقے پاردیسن میں ہوا۔
ابتدائی طور پر اس حملے میں چھ افراد کی شہادت کی تصدیق کی گئی تھی جو کہ اب بڑھ کر 18 ہو گئی ہے۔
اطلاعات کے مطابق ان حملوں میں 10 افراد زخمی بھی ہوئے ہیں۔
ایرانی ہلال احمر سوسائٹی کا کہنا ہے کہ امدادی کارکن جائے وقوعہ پر پہنچ گئے۔ ان کے مطابق یہ ایک رہائشی علاقہ ہے۔