علیم خان صرف بیان نہ دیں، استعفیٰ دے کر اپوزیشن بینچوں پر بیٹھیں: سوشل میڈیا صارفین کا شدید ردِعمل

سوشل میڈیا پر وفاقی وزیر عبدالعلیم خان کے حالیہ بیان پر سخت تنقید کرتے ہوئے ان سے استعفیٰ کا مطالبہ کیا جا رہا ہے۔ صارف نے اپنے پیغام میں کہا کہ اگر علیم خان میں غیرت اور ‘سیلف ریسپیکٹ’ نامی کوئی چیز موجود ہے تو انہیں محض بیانات تک محدود رہنے کے بجائے فوری استعفیٰ دے کر حکومت مخالف بینچوں پر بیٹھنے کا اعلان کرنا چاہئے۔

صارف نے راوی کنارے متاثر ہونے والے شہریوں کی مشکلات کا ذکر کرتے ہوئے کہا کہ جن لوگوں کے ساتھ زبردستی کی گئی اور نقصان پہنچایا گیا، وہ گزشتہ سال سے سراپا احتجاج ہیں اور رو رہے ہیں۔ بیان میں مزید کہا گیا کہ قومی اسمبلی کا اجلاس قریب ہے اور یہ دیکھنا باقی ہے کہ علیم خان کا بیان صرف ایک ‘بھڑک’ ہے یا وہ واقعی استعفیٰ دے کر کشمیری بھائیوں کے ساتھ ساتھ راوی کنارے متاثرین کے ساتھ بھی عملی محبت اور یکجہتی کا اظہار کرتے ہیں، کیونکہ کبھی کبھار سیاست میں اخلاقیات اور شرم و حیا کا مظاہرہ بھی ضروری ہوتا ہے