27ویں آئینی ترمیم وفاق کیلئے خطرہ ہے،آپ اداروں کی بنیادیں ہلا رہے ہیں، بیرسٹر گوہر

پاکستان تحریکِ انصاف کے رہنما بیرسٹر گوہر نے پارلیمنٹ میں خطاب کرتے ہوئے کہا ہے کہ امریکا سپر پاور اس لیے ہے کیونکہ وہاں قانون کی بالادستی قائم ہے، جبکہ پاکستان میں اداروں کی بنیادیں ہلا دی گئی ہیں۔

بیرسٹر گوہر کا کہنا تھا کہ 27ویں آئینی ترمیم وفاق کے لیے خطرہ ہے، ایوان میں موجود افراد کے پاس جعلی مینڈیٹ ہے، اور پورے ملک میں یہ آواز گونج رہی ہے کہ وفاق صوبوں پر حملہ آور ہے۔انہوں نے خبردار کیا کہ اگر چند لوگوں کو غیر معمولی طاقت دی گئی تو وفاق کمزور ہو جائے گا۔ ان کا کہنا تھا کہ ملک میں تناؤ بڑھ چکا ہے، دہشت گردی میں اضافہ ہو رہا ہے، لہٰذا پاکستان کی سالمیت کو خطرے میں نہ ڈالا جائے۔بیرسٹر گوہر نے کہا کہ عدلیہ کو مزید داؤ پر نہ لگایا جائے، کیونکہ 27ویں ترمیم آئین اور پارلیمنٹ کی روح کے منافی ہے