پاکستان سٹاک مارکیٹ میں کاروبار کا مثبت رحجان

پاکستان سٹاک ایکسچینج میں کاروباری ہفتے کے تیسرے روز کا آغاز زبردست تیزی کے ساتھ ہوا، جہاں ہنڈرڈ انڈیکس میں مزید 688 پوائنٹس کا اضافہ دیکھنے میں آیا جس کے بعد انڈیکس تاریخی 1 لاکھ 80 ہزار پوائنٹس کی حد عبور کر گیا۔ مارکیٹ ذرائع کے مطابق خریداروں کے مثبت رجحان کے باعث ٹریڈنگ کا آغاز ہی مثبت زون میں ہوا۔ واضح رہے کہ گزشتہ کاروباری روز کے اختتام پر بھی سٹاک مارکیٹ میں تاریخی تیزی دیکھی گئی تھی، جہاں انڈیکس 5,448 پوائنٹس کی نمایاں پیشرفت کے ساتھ 1 لاکھ 79 ہزار 335 پوائنٹس کی سطح پر بند ہوا تھا، جو جاری کاروباری سیشن میں بھی برقرار نظر آ رہا ہے۔