پنجاب حکومت نے چودھری موسیٰ الہٰی کی بھی سکیورٹی واپس لے لی

پنجاب حکومت نے وفاقی وزیر چودھری سالک حسین کے بعد گجرات سے ان کے کزن اور رکن صوبائی اسمبلی چودھری موسیٰ الٰہی کی پولیس سیکیورٹی اور گجرات میں سالک ہاؤس پر تعینات نفری بھی واپس لے لی ہے۔ پولیس ذرائع کے مطابق ایلیٹ فورس کے اہلکاروں کو ہیڈ کوارٹرز رپورٹ کرنے کے احکامات جاری کر دیے گئے ہیں اور وفاقی وزرا کو پنجاب آمد پر اب صرف عارضی پروٹوکول فراہم کیا جائے گا۔ مسلم لیگ (ق) کے ترجمان اور وفاقی وزیر چودھری سالک حسین نے سیکیورٹی کی واپسی کی تصدیق کر دی ہے۔ دوسری جانب، سیکیورٹی واپس لیے جانے پر ردِعمل دیتے ہوئے چودھری مونس الٰہی نے کہا ہے کہ حکومت سیکیورٹی واپس لے یا جو چاہے کر لے، نئے صوبوں کے قیام کے مطالبے سے کسی صورت پیچھے نہیں ہٹا جائے گا اور نئے صوبے ہر حال میں بن کر رہیں گے۔