مشرق وسطیٰ میں تیل بردار جہازوں اور توانائی تنصیبات پر حملوں کا سلسلہ تاحال جاری

ایران جنگ کے خاتمے سے متعلق سفارتی امیدوں کے باوجود مشرقِ وسطیٰ میں تیل بردار جہازوں اور توانائی کی تنصیبات پر حملوں کا سلسلہ بدستور جاری ہے۔

رواں ماہ عالمی تجارتی گزرگاہ آبنائے ہرمز میں متعدد ٹینکرز کو نشانہ بنایا گیا، جبکہ عمان کے ساحل کے قریب سنگاپور کے پرچم بردار تیل بردار جہاز ‘نیویگیٹ 8 میسی’ (Navigate 8 Macy) میں حملے کے بعد شدید آگ بھڑک اٹھی۔ رپورٹ کے مطابق گزشتہ ماہ اکتوبر میں 37 بحری جہاز حملوں کی زد میں آئے، جو جاری جنگ کا آغاز ہونے کے بعد سے کسی بھی ایک ماہ کے دوران ہونے والے سب سے زیادہ حملے ہیں۔ ان پے در پے حملوں کے نتیجے میں عمان اور متحدہ عرب امارات کے ساحلی علاقوں کے قریب بڑے پیمانے پر تیل پھیلنے سے ماحولیاتی آلودگی کا خطرہ بھی شدید ہو گیا ہے۔

اس وقت امریکی افواج ایرانی بندرگاہوں کی بحری ناکہ بندی (Naval Blockade) جاری رکھے ہوئے ہیں۔ انٹرنیشنل میری ٹائم آرگنائزیشن (IMO) کے مطابق تنازع کا آغاز ہونے کے بعد سے اب تک کمرشل بحری جہازوں پر حملوں کے 130 واقعات رپورٹ ہو چکے ہیں، جن کے نتیجے میں کم از کم 25 ملاح اپنی جانیں گنوا چکے ہیں۔