9 مئی ریڈیو پاکستان کیس: سہیل آفریدی کے دوبارہ وارنٹ گرفتاری جاری

انسدادِ دہشت گردی عدالت پشاور نے 9 مئی ریڈیو پاکستان حملہ کیس میں عدم پیشی پر نامزد ملزمان سہیل آفریدی اور عامر چمکنی کے دوبارہ وارنٹ گرفتاری جاری کر دیے ہیں۔ کیس کی سماعت انسدادِ دہشت گردی عدالت کے جج ولی محمد خان نے کی، جہاں تفتیشی افسر بھی عدالت کے روبرو پیش ہوئے۔ اسی کیس میں نامزد دیگر رہنماؤں تیمور سلیم جھگڑا، کامران بنگش اور عرفان سلیم نے قبل از گرفتاری ضمانت کے لیے درخواستیں دائر کر رکھی ہیں، جس پر سماعت کرتے ہوئے عدالت نے تینوں ملزمان کی عبوری ضمانت میں 17 نومبر تک توسیع کر دی اور کیس کی مزید سماعت ملتوی کر دی۔