وائٹ ہاؤس کے قریب فائرنگ: نیشنل گارڈ کے 2 اہلکار ہلاک، ملزم گرفتار، سیکیورٹی الرٹ

واشنگٹن میں وائٹ ہاؤس کے قریب فائرنگ کے افسوسناک واقعے میں نیشنل گارڈ کے دو اہلکار ہلاک ہوگئے، جبکہ فائرنگ کرنے والے مشتبہ شخص کو موقع پر ہی حراست میں لے لیا گیا۔ واقعہ وائٹ ہاؤس سے صرف ایک بلاک کے فاصلے پر پیش آیا، جس کے بعد علاقے میں ہنگامی بنیادوں پر سیکیورٹی بڑھا دی گئی۔

امریکی ہوم لینڈ سیکیورٹی کے سیکریٹری نے سوشل میڈیا بیان میں واقعے کی تصدیق کرتے ہوئے کہا کہ تحقیقات جاری ہیں اور ابتدائی معلومات جلد جاری کی جائیں گی۔

صدر ڈونلڈ ٹرمپ نے کچھ دیر قبل کہا کہ دو نیشنل گارڈ ممبران کی حالت انتہائی نازک تھی اور مشتبہ حملہ آور بھی شدید زخمی ہوا، تینوں زخمیوں کو اسپتال منتقل کر دیا گیا ہے۔ ٹرمپ نے واضح کیا کہ سیکیورٹی اہلکاروں پر فائرنگ کرنے والا “بھاری قیمت چکائے گا”۔ واقعے کے وقت وہ تھینکس گیونگ کی تعطیلات سے قبل فلوریڈا میں موجود تھے۔

فائرنگ کے فوری بعد وائٹ ہاؤس کو عارضی طور پر لاک ڈاؤن کر دیا گیا، جبکہ کچھ دیر کی بندش کے بعد رونالڈ ریگن ایئرپورٹ پر فلائٹ آپریشن معمول کے مطابق بحال کر دیا گیا۔

ادھر نائب صدر وینس نے کہا ہے کہ فائرنگ کی وجہ ابھی تک واضح نہیں ہو سکی، تاہم تحقیقات تیزی سے جاری ہیں۔