وینزویلا میں قیامت خیز زلزلہ، درجنوں عمارتیں منہدم، 32 افراد ہلاک، 700 سے زائد زخمی

وینزویلا میں یکے بعد دیگرے آنے والے زلزلے کے شدید ترین جھٹکوں نے بڑے پیمانے پر تباہی مچا دی ہے۔ ابتدائی اطلاعات کے مطابق کم از کم 32 ہلاکتوں اور 700 سے زائد افراد کے شدید زخمی ہونے کی تصدیق ہو چکی ہے، جبکہ ملبے تلے دبے افراد کی وجہ سے ہلاکتوں میں مزید ہولناک اضافے کا خدشہ ظاہر کیا جا رہا ہے۔

وینزویلا میں ریکارڈ کی جانے والی زلزلوں کی شدت ریکٹر اسکیل پر 7.1 اور 7.5 تھی۔ ان شدید ترین جھٹکوں کے باعث دارالحکومت میں ایک 22 منزلہ رہائشی عمارت سمیت متعدد دیگر عمارتیں اور انفراسٹرکچر زمین بوس ہو گیا۔ خوفزدہ شہری جان بچانے کے لیے گھروں اور دفاتر سے نکل کر کھلی سڑکوں پر آ گئے۔ زلزلے کے فوری بعد ساحلی علاقوں کے لیے سونامی کی وارننگ جاری کر دی گئی ہے، جبکہ حکومت کی جانب سے ملک بھر میں ایمرجنسی (حالتِ زار) نافذ کر دی گئی ہے۔ تمام اسکول اور ٹرین سروسز کو فوری طور پر معطل کر کے بڑے پیمانے پر امدادی سرگرمیوں کا آغاز کر دیا گیا ہے۔ امریکی ماہرینِ ارضیات کے مطابق، زلزلے کی شدت اور گہرائی کو دیکھتے ہوئے وینزویلا میں مجموعی اموات ہزاروں تک پہنچنے کا خدشہ ہے۔ زلزلے کا مرکز دارالحکومت کراکس سے 284 کلومیٹر مشرق میں تھا۔

 وینزویلا کے مرکزی اور سب سے بڑے بین الاقوامی ہوائی اڈے ‘مائیکیتیا’ کو رن وے اور ٹرمینل بلڈنگ کو پہنچنے والے شدید نقصان کے باعث پروازوں کے لیے مکمل بند کر دیا گیا ہے۔قائم مقام صدر ڈیلسی روڈریگز نے قومی ٹیلی وژن پر ہنگامی خطاب کرتے ہوئے تصدیق کی کہ ایئرپورٹ ٹرمینل کو پہنچنے والا نقصان اسٹریٹجک نوعیت کا ہے، جس کے باعث آپریشنز معطل کرنا ناگزیر تھا۔

مستقبل کی جیو پولیٹیکل اور ماحولیاتی صورتحال کے تناظر میں یہ زلزلہ صرف جنوبی امریکہ تک محدود نہیں رہا بلکہ بحرالکاہل کے دیگر خطوں میں بھی شدید ارضیاتی ہلچل دیکھی گئی ہےامریکی جیولوجیکل سروے (USGS) کے مطابق امریکی ریاست کیلیفورنیا اور اس کے گردونواح کے خطوں میں 5.6 شدت کا زلزلہ ریکارڈ کیا گیا ہے۔ کیلیفورنیا کے شمالی علاقوں میں ممکنہ خطرات کے پیشِ نظر 10 لاکھ سے زائد شہریوں کو ہائی الرٹ جاری کر دیا گیا ہے۔ دوسری جانب بحرالکاہل کے دوسرے سرے پر واقع شمالی جاپان میں 6.9 شدت کا طاقتور زلزلہ آیا، جس کے شدید جھٹکے دارالحکومت ٹوکیو تک محسوس کیے گئے۔ جاپانی موسمیاتی ایجنسی کے مطابق اس زلزلے کا مرکز ‘ایواتی’ کا ساحلی علاقہ تھا اور اس کی گہرائی زمینی سطح سے 50 کلومیٹر اندر تھی۔

حکام کے مطابق جاپان کا یہ خطہ سب سے زیادہ خطرناک زلزلیاتی زون (Seismic Zone) میں شمار ہوتا ہے۔ صورتحال کی سنگینی کو دیکھتے ہوئے جاپانی وزیرِ دفاع نے فوری طور پر ملک کی مسلح افواج کو زلزلہ زدہ علاقوں کا فضائی انٹیلی جنس جائزہ (Aerial Surveillance) لینے اور ریلیف آپریشن کے لیے تفصیلی رپورٹ تیار کرنے کی سخت ہدایت جاری کر دی ہے۔