ایران میں بنیادی طورپر عسکری مقاصد حاصل کرلیے، امریکی نائب صدر

امریکی نائب صدر جے ڈی وینس نے کہاہے کہ امریکا نے بنیادی طورپر ایران میں اپنے عسکری مقاصدحاصل کرلیے ہیں۔

ہنگری کے دارالحکومت بڈاپیسٹ میں صحافیوں سے گفتگوکرتے ہوئے جے ڈی وینس نےکہاکہ جنگ کے اختتام کی نوعیت ایران پر منحصر ہے ۔۔یہ  تنازع دو طریقوں سے اپنے انجام کو پہنچ سکتا ہے۔ ایک یہ کہ ایران ایک نارمل ملک بن جائے، وہ دہشت گردی کی مالی معاونت ختم کرے اور دنیا کے کاروباری نظام کا حصہ بن جائے۔

امریکی نائب صدر کے مطابق ایران کےلیے دوسرا آپشن یہ ہے کہ اگر وہ مذاکرات نہیں کرتا تو اس کی اقتصادی صورتحال مزید خراب ہوتی جائے گی۔

ان کا کہنا تھا کہ ایران نے آبنائے ہرمز بند کر کےدنیا کو زیادہ سے زیادہ اقتصادی تکلیف پہنچانے کی کوشش کی ہے لیکن امریکا اسے زیادہ تکلیف پہنچانے کی صلاحیت رکھتا ہے۔