قطر کے العدید ائیر بیس سے امریکی فوجیوں کا انخلا، ایران کشیدگی میں اضافہ

ایران کے ساتھ کشیدگی اور ممکنہ حملے کے خدشات کے پیش نظر امریکی فوجی اہلکاروں نے قطر کے العدید ائیر بیس سے انخلا شروع کر دیا ہے۔ امریکی میڈیا کے مطابق مشرق وسطیٰ میں فوجیوں کی تعداد کم کرنے کا یہ اقدام امریکی صدر کے حکم پر کیا گیا ہے۔

رپورٹس کے مطابق امریکی فوجیوں کے انخلا کے بعد برطانیہ نے بھی قطر کے امریکی فوجی اڈے سے اپنا عملہ نکالنے کا فیصلہ کیا ہے۔ العدید ائیر بیس مشرقِ وسطیٰ میں امریکا کا سب سے بڑا فوجی اڈہ ہے، جہاں 10 ہزار سے زائد امریکی اہلکار تعینات ہیں۔

سینئر ایرانی اہلکار نے خبردار کیا ہے کہ اگر امریکا نے ایران پر حملہ کیا تو خطے میں موجود امریکی فوجی اڈے بھی حملے کی زد میں آئیں گے۔ انہوں نے مزید کہا کہ ایران نے مشرق وسطیٰ کے امریکی اتحادی ممالک کو پیغام دے دیا ہے اور واشنگٹن کو ایران پر حملے سے روکنے کی ہدایت کی ہے۔