امریکا میں تاریخی برفانی طوفان، 22 ریاستوں میں ہنگامی صورتحال

امریکا کی کئی ریاستیں شدید برفانی طوفان کی لپیٹ میں ہیں، اور تقریباً 245 ملین سے زائد افراد متاثر ہونے کا خدشہ ہے۔
واشنگٹن کے مطابق ٹیکساس، اوکلاہوما اور آرکنساس میں برف باری نے زندگی کو بری طرح متاثر کیا ہے۔
شدید طوفان کے پیش نظر 22 ریاستوں میں ایمرجنسی نافذ کر دی گئی ہے تاکہ لوگوں کی حفاظت کو یقینی بنایا جا سکے۔
طوفان کے باعث ملک بھر میں 13 ہزار سے زائد پروازیں منسوخ ہو گئی ہیں اور متاثرہ علاقوں میں تقریباً 5 لاکھ صارفین بجلی سے محروم ہیں۔
واشنگٹن، فلاڈیلفیا اور بوسٹن میں شدید برفباری کے بعد درجۂ حرارت میں خطرناک کمی متوقع ہے۔
نیویارک میں آج 8 سے 12 انچ برف پڑنے کا امکان ہے، اور نیویارک کے میئر نے شہریوں کو گھروں میں رہنے کی ہدایت کی ہے۔