وینزویلا کے تیل سے منسلک ساتواں جہاز امریکا کی تحویل میں

امریکی فوج نے کیریبین میں کارروائی کرتے ہوئے وینزویلا کے تیل سے منسلک ایک اور بحری جہاز کو قبضے میں لے لیا ہے، جو اس سلسلے میں ساتواں جہاز بتایا جا رہا ہے۔

غیر ملکی میڈیا کے مطابق یہ کارروائی منگل کے روز عمل میں آئی اور اسے ٹرمپ انتظامیہ کی جانب سے وینزویلا کے تیل پر اثر و رسوخ بڑھانے کی کوششوں کا حصہ قرار دیا جا رہا ہے۔

امریکی سدرن کمانڈ کے مطابق امریکی فورسز نے موٹر ویسل “ساگیٹا” کو بغیر کسی مزاحمت کے اپنی تحویل میں لے لیا، تاہم یہ نہیں بتایا گیا کہ جہاز کا عملی کنٹرول امریکی کوسٹ گارڈ کے حوالے کیا گیا یا نہیں۔

امریکی حکام نے اس بات کی بھی وضاحت نہیں کی کہ اس تازہ کارروائی کے بعد جہاز اور اس میں موجود عملے کے ساتھ کیا سلوک کیا جائے گا۔