مجھے قتل کرنے کی کوشش بھی کی تو ایران کو صفحۂ ہستی سے مٹادوں گا، ٹرمپ

امریکی نشریاتی ادارےکو انٹرویو میں صدر ٹرمپ نے کہا کہ ایران کی جانب سے انہیں  مسلسل قتل کی دھمکیاں مل رہی ہیں جس پر انہوں نےسیکیورٹی فورسز کو سخت ہدایات دے رکھی ہیں۔امریکی صدرکاکہناتھاکہ اگر میرے ساتھ کچھ بھی ہوا تو پورے ایران کو اڑا دیا جائے۔ کرۂ ارض سے ایران کا نقشہ بھی مٹا دیا جائے گا۔

صدر ٹرمپ نے سابق صدر جو بائیڈن پر تنقید کرتے ہوئے کہا کہ جب ایران کی جانب سے پہلی بار اس نوعیت کی دھمکیاں سامنے آئیں تھیں تو بائیڈن انتظامیہ کو سخت ردعمل دینا چاہیے تھا۔انہوں نے مزید کہا کہ اگر یہ دھمکی کسی عام شہری کو بھی دی جاتی تو وہاس پر بھی بھرپور جواب دیتے لیکن یہ تو کھلم کھلا امریکی صدر کو دی جا رہی ہیں۔

ڈونلڈ ٹرمپ اس سے قبل بھی ایران کو سخت وارننگ دے چکے ہیں کہ اگر مظاہرین کو پھانسی دی تو بھرپور حملہ کیا جائے گا۔تاہم بعد میں صدر ٹرمپ نے ایران کی جانب سے مبینہ طور پر سیکڑوں سزائے موت منسوخ کرنے کے اقدام کو سراہا بھی تھا۔