امریکا کی پاکستان کو غیر قانونی امیگریشن اور منشیات کی روک تھام میں معاونت کی پیشکش

امریکا نے غیر قانونی امیگریشن اور انسدادِ منشیات کے خلاف کارروائیوں میں پاکستان کو تکنیکی معاونت فراہم کرنے کی پیشکش کردی۔
وفاقی وزیر داخلہ محسن نقوی سے قائم مقام امریکی سفیر نیٹلی بیکر کی ملاقات میں اس حوالے سے مشترکہ اقدامات اور تعاون بڑھانے پر تفصیلی گفتگو ہوئی۔

ملاقات میں دونوں ممالک کے درمیان انٹیلی جنس شیئرنگ میں اضافے پر اتفاق کیا گیا جبکہ غیر قانونی امیگریشن کے خلاف مربوط حکمتِ عملی پر بھی بات چیت ہوئی۔

وفاقی وزیر داخلہ محسن نقوی نے امریکی پیشکش کا خیرمقدم کرتے ہوئے کہا کہ حکومت زیرو ٹالرینس پالیسی پر سختی سے عمل پیرا ہے۔
ان کا کہنا تھا کہ ائیرپورٹس پر منشیات کی روک تھام حکومت کی اولین ترجیح ہے جبکہ غیر قانونی امیگریشن کے معاملے پر پاکستان کی پالیسی بھی واضح ہے۔