امریکا کے وسطی مغربی حصوں میں شدید برفانی طوفان، ہزاروں پروازیں معطل

امریکا کی وسطی مغربی ریاستیں شدید برفانی طوفان کی لپیٹ میں آگئیں، جہاں نیو یارک، الینوائے اور مشیگن سمیت متعدد علاقوں میں عمارتیں، مکانات اور شاہراہیں دو فٹ سے زائد برف کی موٹی تہہ میں دب گئیں۔

خراب موسم کے باعث ہزاروں پروازیں منسوخ یا تاخیر کا شکار ہوئیں، جبکہ شکاگو ایئرپورٹ پر 8.4 انچ برفباری ریکارڈ کی گئی، جو نومبر میں شہر کی تاریخ کا نیا ریکارڈ بن گیا۔ محکمۂ موسمیات نے پیشگوئی کی ہے کہ آج سے ملک کے بیشتر حصوں میں بارشوں، یخ بستہ ہواؤں اور مزید برفباری کے ساتھ سردی کی شدت میں نمایاں اضافہ ہوگا۔