امریکا کی ایران کے ساتھ مذاکرات کی 4 شرائط سامنے آگئیں

امریکی میڈیا نے دعویٰ کیا ہے کہ امریکا کی جانب سے ایران کے ساتھ ممکنہ مذاکرات کے لیے چار اہم شرائط سامنے آ گئی ہیں، جن کا مقصد زیادہ تر اسرائیل کے تحفظ کو یقینی بنانا ہے۔

رپورٹ کے مطابق امریکا کا پہلا مطالبہ یہ ہے کہ ایران تمام افزودہ یورینیم کو مکمل طور پر ختم کرے۔ اس کے علاوہ ایران پر طویل فاصلے تک مار کرنے والے میزائلوں پر پابندی عائد کی جائے گی، جبکہ ایران کو ملکی سطح پر یورینیم کی افزودگی کی کسی صورت اجازت نہیں دی جائے گی۔

امریکی میڈیا کا کہنا ہے کہ شرائط میں یہ شق بھی شامل ہے کہ ایران علاقائی طاقتوں یا گروہوں کی امداد سے باز رہے گا۔ مزید یہ کہ ایران کی تیل برآمدات روکنے کے لیے نیول بلاکیڈ کی تیاری بھی کی جا رہی ہے۔