ایران اور امریکا کے جوہری مذاکرات جمعے کو مسقط میں ہوں گے، حکام کی تصدیق

ایران اور امریکا کے درمیان جوہری مذاکرات کے حوالے سے سب قیاس آرائیاں دم توڑ گئیں کیونکہ دونوں ممالک نے مذاکرات کے طے شدہ دن اور وقت کی تصدیق کردی ہے۔ ایرانی وزیرخارجہ عباس عراقچی نے سوشل میڈیا پر اعلان کیا کہ مذاکرات جمعے کو صبح 10 بجے مسقط میں ہوں گے اور تمام ضروری انتظامات کرنے پر عمانی حکام کا شکریہ ادا کیا۔
دو سینئر امریکی عہدیداروں نے بھی امریکی میڈیا سے گفتگو میں مذاکرات کے عمان میں ہونے کی تصدیق کی۔ پہلے یہ مذاکرات ترکی میں شیڈول تھے، لیکن ایران نے استنبول سے عمان منتقل کرنے کا مطالبہ کیا تھا۔ مذاکرات میں صرف جوہری امور پر بات چیت ہوگی اور علاقائی شراکت دار شامل نہیں ہوں گے۔