امریکا اور ایران کے درمیان جوہری مذاکرات آج مسقط میں

مسقط: امریکا اور ایران کے درمیان جوہری مذاکرات آج عمان کے دارالحکومت مسقط میں ہونے جا رہے ہیں۔ ایرانی وزیر خارجہ عباس عراقچی مذاکرات میں شرکت کے لیے عمان پہنچ گئے ہیں جبکہ امریکی وفد میں نمائندہ خصوصی برائے مشرق وسطیٰ اسٹیو وٹکوف اور صدر ڈونلڈ ٹرمپ کے داماد جیرڈ کشنر سمیت دیگر حکام شامل ہیں۔

مذاکرات کی اہم باتیں

ابتدائی طور پر یہ مذاکرات جمعے کو ترکی کے استنبول میں شیڈول تھے، لیکن ایران کی درخواست پر یہ مقام عمان منتقل کیا گیا۔ ایران نے مذاکرات میں علاقائی شراکت داروں کو شامل نہ کرنے اور بات چیت کو صرف جوہری امور تک محدود رکھنے کا مطالبہ بھی کیا تھا، تاہم ان مطالبات کو تسلیم یا رد کیے جانے کی تفصیلات ابھی سامنے نہیں آئی ہیں۔