امریکا اور بھارت کے درمیان تجارتی معاہدے پر اتفاق، ٹیرف میں کمی

واشنگٹن: امریکی صدر ڈونلڈ ٹرمپ نے بھارت کے ساتھ تجارتی معاہدے پر اتفاق کا اعلان کیا ہے اور بھارتی مصنوعات پر لگائے گئے ٹیرف کو 25 فیصد سے کم کرکے 18 فیصد کرنے کا فیصلہ کیا ہے۔

صدر ٹرمپ نے بھارتی وزیراعظم نریندر مودی سے ٹیلی فونک گفتگو کے بعد سوشل میڈیا پر بیان جاری کیا۔ ان کا کہنا تھا کہ امریکا اور بھارت کے درمیان باہمی احترام اور دوستی کی بنیاد پر یہ معاہدہ فوری طور پر نافذ العمل ہوگا۔

صدر ٹرمپ نے مزید کہا کہ بھارت نے 500 ارب ڈالر سے زیادہ کی امریکی توانائی، ٹیکنالوجی، زرعی اور دیگر مصنوعات خریدنے کا بھی وعدہ کیا ہے۔ روسی تیل کی خریداری روکنے اور امریکا و وینیزویلا سے تیل خریدنے میں اضافے پر بھی دونوں ملکوں کے درمیان اتفاق ہوا۔

بھارتی وزیراعظم مودی نے ٹیرف میں کمی پر صدر ٹرمپ کا شکریہ ادا کیا اور سوشل میڈیا پر کہا کہ یہ فیصلہ بھارتی عوام کے لیے خوشی کا باعث ہے۔