LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

امریکہ اور بھارت کے تعلقات بدترین سطح پر پہنچ گئے، بھارتی ارب پتی شخصیات سب سے زیادہ متاثر

Web Desk

31 December 2025

برطانوی اخبار فنانشل ٹائمز نے اپنی ایک رپورٹ میں کہا ہے کہ امریکا اور بھارت کے باہمی تعلقات اس وقت تاریخ کی بدترین سطح پر پہنچ چکے ہیں۔ رپورٹ کے مطابق امریکی صدر ڈونلڈ ٹرمپ کے دوبارہ اقتدار میں آنے کے بعد دونوں ممالک کے درمیان سیاسی اور معاشی فاصلے میں نمایاں اضافہ ہوا ہے۔

فنانشل ٹائمز کے مطابق امریکا اور بھارت کے تعلقات میں سرد مہری کا براہِ راست اثر بھارتی ارب پتی شخصیات پر بھی پڑا ہے۔ رپورٹ میں انکشاف کیا گیا ہے کہ بھارتی ارب پتیوں کی جانب سے امریکی لابنگ فرمز پر لاکھوں ڈالر خرچ کیے جانے کے باوجود امریکا کے ساتھ مضبوط تجارتی تعلقات قائم نہ ہو سکے۔ گوتم اڈانی کے خلاف مقدمات سے یہ تاثر بھی مضبوط ہوا ہے کہ ذاتی روابط اور مہنگی لابنگ امریکی قانونی اور پالیسی ترجیحات پر اثر انداز نہیں ہو پا رہی۔

رپورٹ میں کہا گیا ہے کہ مودی حکومت کی پالیسیوں، خطے میں بڑھتی کشیدگی اور امریکی خارجہ پالیسی میں تبدیلیوں کے باعث واشنگٹن نے نئی دہلی سے فاصلہ اختیار کر لیا ہے، جس کے اثرات سیاسی، معاشی اور سفارتی سطح پر واضح طور پر دیکھے جا رہے ہیں۔

فنانشل ٹائمز کے مطابق بھارت کی داخلی پالیسیوں میں ہندوتوا پر مبنی اقدامات اور غیر یقینی خارجہ حکمت عملی نے امریکا میں بھارت کے بارے میں شکوک و شبہات کو جنم دیا ہے، جس کے باعث واشنگٹن اب بھارت کو وہ قابلِ اعتماد اتحادی نہیں سمجھتا جو ماضی میں تصور کیا جاتا تھا۔ اگرچہ امریکا نے ماضی میں بھارت کو چین کے مقابل ایک اہم شراکت دار قرار دیا تھا، تاہم موجودہ کشیدگی اور پالیسی تضادات نے اس تصور کو کمزور کر دیا ہے۔

اخبار نے مزید لکھا کہ پاکستان اور بھارت کے درمیان ممکنہ علاقائی کشیدگی کے خدشات نے بھی امریکی تحفظات میں اضافہ کیا ہے۔ اس سرد مہری کے اثرات بھارتی معیشت، بڑی کاروباری کمپنیوں اور غیر ملکی سرمایہ کاری پر بھی پڑ رہے ہیں۔

رپورٹ کے مطابق موجودہ صورتحال میں دونوں ممالک کے درمیان تجارتی تعلقات میں توازن برقرار رکھنا ایک بڑا چیلنج بن چکا ہے، جہاں تجارتی خسارہ، ٹیکنالوجی تک رسائی اور ٹیرف سے متعلق اختلافات مجموعی کشیدگی کو مزید پیچیدہ بنا رہے ہیں۔