LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال

جنگ سے بہتر بات چیت ہوتی ہے: بلاول بھٹو زرداری

Web Desk

18 June 2026

چیئر مین پیپلز پارٹی بلاول بھٹو نے کہا ہے کہ امریکا، ایران مفاہمتی یادداشت پر دستخط تاریخی پیشرفت ہے، قومی مفاد میں اسی طرح مل کر فیصلے کرتے رہے تو ہر مسلہ حل کر سکتے ہیں۔
بلاول بھٹو نے قومی اسمبلی اجلاس میں اظہار خیال کرتے ہوئے کہا کہ جنگ سے بہتر بات چیت ہوتی ہے، فیلد مارشل اور اعلیٰ قیادت کو خراج تحسین پیش کرتا ہوں، جن کی اعلیٰ کاوشوں نے پاکستان کا سر فخر سے بلند کیا۔
انہوں نے کہا ہے کہ امریکا، ایران مفاہمتی یادداشت پر دستخط تاریخی پیشرفت ہے، جب امن قائم ہو تو قومیں ترقی کرتی ہیں، نوجوانوں کو روزگار ملتا ہے، امن کوششوں پر صدر آصف زردای کو بھی خراج تحسین پیش کرتا ہوں۔
بلاول بھٹو زرداری کا کہنا تھا کہ ایران امریکا جنگ بندی کے باوجود کچھ عناصر ملک کو نقصان پہنچانا چاہتے ہیں، بھارت کی جانب سے آپریشن سندھور 2 کی دھمکی دی جا رہی ہے، تاہم آئین پاکستان صوبوں اور وفاق کو خرچ کرنے کا اختیار دیتا ہے۔
انہوں نے کہا کہ بجٹ پیش کرنے سے پہلے 18 ویں ترمیم ختم کرنے کی غلط خبریں پھیلائیں گئیں، کہا گیا بینظر انکم سپورٹ پروگرام بجٹ میں ختم کر دیا جائے گا، وزیر اعظم اور نائب وزیر اعظم کا مشکور ہوں۔
چیئرمین پیپلز پارٹی کا کہنا تھا کہ این ایف سی کو محفوظ رکھا گیا ہے، واضح کہتا ہوں، صوبوں کا این ایف سی محفوظ ہے، کوئی مطالبہ نہیں ہوگا، ملک کے تمام مسائل اور خطرات کا مل کر مقابلہ کیا جا سکتا ہے، آج صوبوں کو پٹرولیم لیوی اور دیگر ٹیکسز میں ان کا حق نہیں مل رہا۔
خطاب کے دوران انہوں نے کہا ہے کہ صوبائی حکومتوں نے بار بار قربانیاں دیں، آج بھی دے رہی ہیں، حکومت کے ساتھ ملکر مختلف مسائل کا آئینی حل نکالا، بھارت اسرائیل کے ساتھ ملکر پاکستان کو نقصان پہنچانا چاہتے ہیں، ہم نے دہشتگردی کا مقابلہ کیا ہے۔
پارٹی بلاول بھٹو زرداری کا کہنا تھا کہ بینظیر انکم سپورٹ پروگرام کو تنقید کا نشانہ بنانا تشویشناک ہے، کیونکہ یہ پروگرام ملک میں غربت کے خاتمے اور معاشی استحکام کے لیے کلیدی اہمیت رکھتا ہے، پاکستان میں غربت میں کمی لانے کے لیے بینظیر انکم سپورٹ پروگرام کو مزید وسعت دینے کی ضرورت ہے، یہ صرف ایک فلاحی منصوبہ نہیں بلکہ معاشی اور قومی سلامتی سے بھی جڑا ہوا پروگرام ہے۔
انہوں نے کہا کہ مشکل معاشی حالات میں کم آمدن والے خاندانوں کو سہارا فراہم کرنا ریاست کی ذمہ داری ہے اور بینظیر انکم سپورٹ پروگرام اسی مقصد کو پورا کر رہا ہے۔
چیئر مین پیپلز پارٹی نے زور دیا کہ وفاق اور صوبوں کو مل کر عوامی فلاح، معاشی استحکام اور قومی یکجہتی کے لیے کام کرنا ہوگا تاکہ ملک کو درپیش چیلنجز کا مؤثر انداز میں مقابلہ کیا جا سکے۔