LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

مسجد میں خودکش حملے کا سن کر شدید صدمہ پہنچا، امریکی رکن کانگریس

Web Desk

7 February 2026

اسلام آباد / واشنگٹن: امریکی رکن کانگریس اور کانگریس میں پاکستان کاکس کے شریک چیئرمین ٹام سوازی نے اسلام آباد کی مسجد میں ہونے والے خودکش حملے پر گہرے دکھ اور افسوس کا اظہار کیا ہے۔

اپنے بیان میں ٹام سوازی نے کہا کہ انہیں اسلام آباد کی مسجد میں خودکش دھماکے کی خبر سن کر شدید صدمہ پہنچا۔ انہوں نے کہا کہ اپنے دورۂ پاکستان کے دوران انہیں بتایا گیا تھا کہ برکینا فاسو کے بعد دنیا میں سب سے زیادہ دہشتگرد حملے پاکستان میں ہوتے ہیں، اور پاکستان میں دہشتگردی کے مسلسل واقعات نہایت افسوسناک ہیں۔

ٹام سوازی نے زور دیا کہ دہشتگردی کی ہر شکل کے خاتمے کے لیے عالمی برادری کو متحد ہونا ہوگا۔ ان کا کہنا تھا کہ لوگوں کو تقسیم کرنے کی کوشش کرنے والوں کو مسترد کیا جانا چاہیے اور مذہبی ہم آہنگی کے فروغ کے لیے سب کو مل کر کام کرنا ہوگا۔

دوسری جانب امریکی کانگریس کے رکن گریگری میکس نے بھی مسجد خدیجۃ الکبریٰ پر دہشتگرد حملے کی شدید مذمت کی۔ انہوں نے کہا کہ یہ حملہ نہایت ہولناک ہے اور پاکستانی عوام کو محفوظ اور آزادانہ طور پر عبادت کا مکمل حق حاصل ہونا چاہیے۔

واضح رہے کہ وفاقی دارالحکومت اسلام آباد کے علاقے ترلائی کلاں، غازی شاہ امام روڈ پر واقع امام بارگاہ میں خودکش دھماکے کے نتیجے میں 32 افراد شہید جبکہ 169 زخمی ہو گئے۔ سیکیورٹی اداروں کی جانب سے واقعے کی تحقیقات جاری ہیں۔