ایرانی فوج کے غیر محفوظ اقدامات برداشت نہیں کیے جائیں گے، سینٹ کام

آبنائے ہرمز میں ایرانی بحری مشقوں پر ردِعمل دیتے ہوئے امریکی سینٹ کام کا کہنا تھا کہ ایرانی فوج بحری مشقیں محفوظ اور پیشہ ورانہ انداز میں انجام دے اور ایسے اقدامات سے گریز کرے جو سمندری آمد و رفت کو خطرے میں ڈالیں۔

جاری بیان میں مزید کہا گیا کہ امریکا خطے میں اپنی تنصیبات اور اہلکاروں کی حفاظت یقینی بنائے گا اور کسی بھی خطرے کا مؤثر جواب دیا جائے گا۔ امریکی حکام کے مطابق عالمی تجارت کے اہم بحری راستوں میں سلامتی پر کوئی سمجھوتہ نہیں کیا جا سکتا۔