امریکا میں شدید برفانی طوفان، 14 ہزار سے زائد پروازیں منسوخ

واشنگٹن: امریکہ کی متعدد ریاستیں شدید برفانی طوفان کی زد میں ہیں، جس کے باعث 14 ہزار سے زائد پروازیں منسوخ کر دی گئی ہیں۔
متاثرہ علاقوں میں ٹیکساس، اوکلاہوما اور دیگر ریاستوں میں شدید برف باری اور خون جماتی سردی کی پیشگوئی کی گئی ہے۔
حکام نے شہریوں کو گھروں میں رہنے کی ہدایت دی ہے جبکہ 24 ریاستوں میں ایمرجنسی نافذ کر دی گئی ہے۔ متاثرہ علاقوں میں 8 لاکھ سے زائد صارفین بجلی سے محروم ہیں اور 40 ریاستوں کے 24 کروڑ سے زائد افراد کے متاثر ہونے کا خدشہ ہے۔
واشنگٹن میں وفاقی دفاتر بند رہیں گے اور نیویارک کے اسکولوں میں آن لائن کلاسز کا انعقاد کیا جائے گا۔ امریکی محکمہ موسمیات کے مطابق طوفان کا اثر اگلے ہفتے تک برقرار رہے گا۔