آسٹریلیا نے 16 سال سے کم عمر بچوں کے لیے سوشل میڈیا پابندی نافذ کر کے 47 لاکھ اکاؤنٹس بند کر دیے

کینبرا: آسٹریلیا نے 16 سال سے کم عمر نوجوانوں کے سوشل میڈیا استعمال پر پابندی عائد کرتے ہوئے 47 لاکھ اکاؤنٹس بند کر دیے ہیں، حکام نے بتایا کہ یہ پابندی 10 دسمبر کو نافذ کی گئی۔

حکام کے مطابق سوشل میڈیا پلیٹ فارمز کو کم عمر صارفین کے اکاؤنٹس بند کرنے کی ہدایات جاری کی گئیں، اور پابندی نہ ماننے والی کمپنیوں پر 33 لاکھ ڈالر تک جرمانہ بھی عائد کیا گیا۔

وزیر اعظم انتھونی البانیز نے کہا تھا کہ سوشل میڈیا بچوں کو نقصان پہنچا رہا ہے، اور تحقیقی رپورٹس کے مطابق زیادہ وقت سوشل میڈیا پر گزارنے سے بچوں کی جسمانی اور ذہنی صحت پر خطرات لاحق ہوتے ہیں۔ آسٹریلیا اس طرح کے قانون کے نفاذ والا دنیا کا پہلا ملک ہے۔