اسرائیل کی کارروائیاں، 10 دن میں 67 فلسطینی بے گھر، 12 عمارتیں مسمار ہوگئیں: اقوام متحدہ

اقوامِ متحدہ کے دفتر برائے رابطہ انسانی امور (OCHA) نے انکشاف کیا ہے کہ جولائی کے پہلے 10 دنوں کے دوران مقبوضہ مغربی کنارے میں اسرائیلی فورسز کی کارروائیوں اور مکانات کی مسماری کے نتیجے میں مزید 67 فلسطینی بے گھر ہو گئے ہیں۔ اقوامِ متحدہ کی رپورٹ کے مطابق، اسرائیلی فورسز نے رواں ماہ اب تک کم از کم 12 عمارتیں اس بنیاد پر مسمار کی ہیں کہ ان کے پاس تعمیراتی اجازت نامے موجود نہیں تھے، جبکہ فلسطینیوں کے لیے ایسے اجازت نامے حاصل کرنا انتہائی مشکل بنا دیا گیا ہے۔ رپورٹ میں مزید بتایا گیا ہے کہ سال 2026 کے آغاز سے اب تک مقبوضہ مغربی کنارے میں اسرائیلی انہدامی کارروائیوں کے باعث 3,200 سے زائد فلسطینی اپنے گھروں سے بے دخل ہو چکے ہیں، جو اوسطاً روزانہ 17 افراد کے بے گھر ہونے کے برابر ہے۔

اقوامِ متحدہ کے مطابق، بے گھر ہونے والے افراد کی یہ شرح گزشتہ تین برسوں کے مقابلے میں تقریباً دو گنا زیادہ ہے، جس کی وجہ سے مقبوضہ مغربی کنارے میں انسانی بحران مزید سنگین صورتِ حال اختیار کرتا جا رہا ہے۔