اسحاق ڈار کی انتونیو گوتریس سے ملاقات، عالمی امن و خطے کی صورتحال پر گفتگو

نیویارک: نائب وزیراعظم و وزیرِ خارجہ اسحاق ڈار نے اقوام متحدہ کے سیکریٹری جنرل انتونیو گوتریس سے ملاقات کی جس میں خطے کی صورتحال اور عالمی امن سے متعلق امور زیرِ بحث آئے۔
ملاقات کے دوران مشرقِ وسطیٰ میں امن و استحکام کے لیے سفارتی کوششوں اور مذاکراتی عمل کو فروغ دینے پر اتفاق کیا گیا۔
ترجمان دفتر خارجہ کے مطابق ملاقات میں جموں و کشمیر، افغانستان، فلسطین اور اقوام متحدہ کی سلامتی کونسل میں اصلاحات سمیت متعدد اہم معاملات پر تبادلۂ خیال ہوا۔
اقوام متحدہ کے سیکریٹری جنرل نے پاکستان کے کردار اور عالمی امن کے لیے اس کی کوششوں کو مثبت قرار دیا۔