یوکرینی صدر نے وزیراعظم یولیا کو عہدے سے ہٹا دیا، حکومت مستعفی

یوکرین کے صدر وولودیمیر زیلنسکی کی جانب سے وزیراعظم یولیا سویریڈینکو کو عہدے سے ہٹانے کے اعلان کے بعد ملکی حکومت نے اجتماعی طور پر استعفیٰ دے دیا ہے، جس کے باعث پوری کابینہ تحلیل ہو گئی ہے۔ صدر زیلنسکی نے واضح کیا ہے کہ وہ معیشت دان اور سابق وزیراعظم یولیا سویریڈینکو کی خدمات کے معترف ہیں اور انہیں ایک اہم اتحادی ملک کے ساتھ تعلقات کو فروغ دینے کے لیے نئی ذمہ داری کی پیشکش کی گئی ہے۔ تاہم، صدر نے تاحال نئے وزیراعظم کی نامزدگی یا یولیا سویریڈینکو کے اگلے عہدے کی تفصیلات کا اعلان نہیں کیا۔ صدر زیلنسکی کا کہنا ہے کہ پارلیمنٹ کے تعاون سے حکومت اور قانون نافذ کرنے والے اداروں کی قیادت میں ناگزیر تبدیلیاں کی جا رہی ہیں، البتہ ان سیکیورٹی اداروں کے سربراہان کو ہٹانے کی وجوہات فی الحال سامنے نہیں لائی گئیں۔ یاد رہے کہ یولیا سویریڈینکو جولائی 2025 میں یوکرین کی وزیراعظم مقرر ہوئی تھیں اور ملکی آئین کے تحت اب پارلیمنٹ ان کے اور پوری کابینہ کے استعفے کی حتمی منظوری دے گی۔