غزہ میں جنگ بندی کا مطالبہ کرنے میں برطانیہ نے دیر کی، اینڈی برنہم

برطانیہ کی حکمران لیبر پارٹی کے ممتاز رہنما اینڈی برنہم نے مشرقِ وسطیٰ کی صورتحال پر ایک بڑا سیاسی بیان دیتے ہوئے اعتراف کیا ہے کہ برطانیہ نے غزہ میں فوری جنگ بندی کا مطالبہ کرنے میں بہت دیر کی۔ اپنے ایک خصوصی اور اہم بیان میں اینڈی برنہم نے کھلے دل سے تسلیم کیا کہ غزہ جنگ کے آغاز پر لیبر پارٹی کا ابتدائی سیاسی مؤقف درست نہیں تھا اور وہ عوامی امنگوں کی ترجمانی کرنے میں ناکام رہی۔ انہوں نے شدید تشویش کا اظہار کرتے ہوئے کہا کہ غزہ میں جاری انسانی بحران اور جنگی جرائم کے شواہد اب مسلسل بڑھ رہے ہیں، جنہیں بین الاقوامی سطح پر مزید نظر انداز نہیں کیا جا سکتا۔

اینڈی برنہم نے ماضی کی غزہ پالیسی پر برطانوی عوام اور متاثرین سے باقاعدہ معذرت کا اظہار کرتے ہوئے وعدہ کیا کہ ان کی جماعت اقتدار میں آ کر خطے میں امن کے قیام کے لیے مزید مؤثر اور جرات مندانہ اقدامات اٹھائے گی۔ انہوں نے واضح کیا کہ لیبر پارٹی مستقبل میں غزہ تشدد اور انسانی حقوق کی سنگین خلاف ورزیوں میں براہِ راست ملوث افراد پر مزید سخت اقتصادی و سفارتی پابندیاں عائد کرنے پر سنجیدگی سے غور کرے گی۔ اس کے علاوہ برطانوی رہنما نے عالمی قوانین کی پاسداری کے عزم کو دہراتے ہوئے غیر قانونی اسرائیلی بستیوں (Illegal Settlements) میں تیار ہونے والی مصنوعات پر بھی تجارتی پابندیاں لگانے کا واضح عندیہ دیا ہے۔