گوجرانوالہ: لیبیا کشتی حادثے میں ملوث دو مجرموں کو ایک اور مقدمے میں سزا

گوجرانوالہ میں اسپیشل جج سنٹرل نے لیبیا کشتی حادثے میں ملوث دو مجرموں کو ایک اور مقدمے میں 20، 20 سال قیدِ بامشقت اور 14، 14 لاکھ روپے جرمانے کی سزا سنا دی۔

سزائیں امیگریشن آرڈیننس اور اسمگلنگ آف مائیگرنٹس ایکٹ کے تحت سنائی گئیں۔عدالتی فیصلے کے مطابق مجرموں اللہ دتہ اور محمد ممتاز نے ایک شہری کو 25 لاکھ روپے کے عوض غیر قانونی طور پر لیبیا کے راستے اٹلی بھیجنے کی کوشش کی تھی۔متاثرہ شہری 2023 کے کشتی حادثے میں لاپتہ ہو گیا تھا۔ذرائع کے مطابق مجرم محمد ممتاز کو اسی مقدمے میں قبل ازیں بھی 20 سال قید بامشقت اور 14 لاکھ روپے جرمانہ کی سزا ہو چکی ہے۔دونوں مجرموں کو اس سے پہلے بھی ایک علیحدہ مقدمے میں 40 سال قید بامشقت اور 28 لاکھ روپے جرمانہ کی سزا سنائی جا چکی ہے