ترکیے نے بھی ٹرمپ کے غزہ امن بورڈ میں شرکت کی دعوت قبول کرلی

میڈیارپورٹس کے مطابق ترکیے کے وزیر خارجہ ہاکان فیدان ’بورڈ آف پیس‘ میں ترکیے کے صدر رجب طیب اردوان کی نمائندگی کریں گے۔

صدر ٹرمپ نے دیگر عالمی رہنماؤں کے ساتھ ساتھ صدررجب طیب  اردوان کو بھی بورڈ کی رکنیت کی دعوت دی تھی۔ترک صدر  نے پارلیمنٹ میں صحافیوں سے گفتگو کرتے ہوئے تصدیق کی کہ ہاکان فیدان اس بورڈ میں شامل ہوں گے۔

صدر ٹرمپ کی زیر صدارت ’بورڈ آف پیس‘ کی باضابطہ تقریب جمعرات کو سوئٹزرلینڈ کے شہر ڈیوس میں عالمی اقتصادی فورم کے سالانہ اجلاس کے موقع پر منعقد ہوگی۔

ترک وزارت خارجہ کے مطابق وزیرخارجہ ہاکان فیدان جمعرات کو ہونے والی دستخطی تقریب میں شرکت کریں گے اور ’بورڈ آف پیس‘ میں اعلیٰ سطح پر ترکیے کی نمائندگی کریں گے۔

پاکستان، متحدہ عرب امارات، بحرین، آذربائیجان، اسرائیل، مراکش اور مصر بھی ’بورڈ آف پیس‘ میں شمولیت کی دعوت قبول کرچکے ہیں۔