ٹرمپ کا ایران کے میزائل پروگرام پر اسرائیلی حملوں کی حمایت کرنے کا اعلان

واشنگٹن: امریکی صدر ڈونلڈ ٹرمپ نے ایران کے بیلسٹک میزائل پروگرام پر اسرائیلی حملوں کی حمایت کرنے کا اعلان کر دیا ہے۔

امریکی میڈیا رپورٹس کے مطابق صدر ٹرمپ نے یہ بات دسمبر میں اسرائیلی وزیر اعظم بنیامین نیتن یاہو کے ساتھ فلوریڈا میں ہونے والی ایک ملاقات کے دوران کہی۔رپورٹ میں بتایا گیا ہے کہ ڈونلڈ ٹرمپ نے نیتن یاہو کو یقین دہانی کروائی کہ اگر ایران کے ساتھ جوہری یا سکیورٹی معاملات پر کوئی ڈیل نہ ہو سکی تو امریکا ایران کے بیلسٹک میزائل پروگرام پر اسرائیلی حملوں کی حمایت کرے گا۔تجزیہ کاروں کے مطابق اس بیان سے مشرق وسطیٰ میں کشیدگی میں مزید اضافہ ہو سکتا ہے، جبکہ ایران کے ساتھ جاری سفارتی کوششوں پر بھی اس کے اثرات مرتب ہونے کا امکان ہے۔