سی این این کو فروخت کر دینا چاہیے، ٹرمپ کی چینل پر ایک بار پھر سخت تنقید

امریکی صدر ڈونلڈ ٹرمپ نے ایک بار پھر سی این این کی کارکردگی پر شدید تنقید کرتے ہوئے کہا ہے کہ چینل کی ریٹنگز انتہائی کم ہیں اور اسے فروخت کر دینا چاہیے۔
وائٹ ہاؤس میں میڈیا سے گفتگو کرتے ہوئے صدر ٹرمپ نے دعویٰ کیا کہ ’’سی این این کی ریٹنگز اتنی کم ہیں کہ گنی بھی نہیں جاتیں‘‘۔ ان کے مطابق ڈیل کے تحت چینل کو بیچ دینا سب سے بہتر حل ہے۔

صدر ٹرمپ نے کہا کہ وہ میڈیا میں غلط بیانی اور جانبداری کے خلاف آواز اٹھاتے رہیں گے۔ انہوں نے ایک بار پھر اس میڈیا کو ’’جعلی‘‘ قرار دیا جو ان کی پالیسیوں پر تنقید کرتا ہے۔

دوسری جانب سی این این اور اس کی پیرنٹ کمپنی کی جانب سے ٹرمپ کے تازہ بیان پر تاحال کوئی ردعمل سامنے نہیں آیا۔