فرانسیسی صدر زیادہ عرصے عہدے پرنہیں رہیں گے، ٹرمپ کااظہاربرہمی

امریکی صدر ڈونلڈ ٹرمپ نے فرانسیسی  صدر ایمانوئل میکرون  کا بھیجا گیا ایک نجی پیغام سوشل میڈیا پر شیئر کردیا اور کہا ہے کہ میکرون زیادہ عرصے اپنے عہدے پر نہیں رہیں گے۔

عالمی میڈیاکے مطابق گرین لینڈ پر امریکی قبضے کی کوششوں کے حوالےسے یورپی ممالک کی جانب سے سخت ردعمل ظاہرکیاجارہاہے۔جبکہ۔ فرانسیسی صدر ایمانوئل میکرون نے اس معاملے پر بیشتر یورپی رہنماؤں کے مقابلے میں سخت مؤقف اختیار کیا ہے اور  یورپی یونین پر زور دیا ہے کہ وہ امریکا کے خلاف اپنے مضبوط ترین تجارتی اقدامات کو فعال کرے۔

ادھر امریکی فرانس کے اس فیصلے پر بھی برہم دکھائی دیے کہ وہ غزہ کےلیے  ٹرمپ کے مجوزہ ’بورڈ آف پیس‘ میں شامل ہونے سے ہچکچا رہا ہے۔ میکرون نے  اس بورڈ کے کردار پر ممکنہ اثرات پر تحفظات کا اظہار کیا تھا۔

جب ٹرمپ سے میکرون کے اس مؤقف کے بارے میں سوال کیا گیا توان کاکہناتھاکہ کوئی بھی میکرون کو نہیں چاہتا کیونکہ وہ بہت جلد اقتدار سے باہر ہو جائیں گے۔اس بیان کے چند گھنٹوں بعد ٹرمپ نے اپنے سوشل میڈیا پلیٹ فارم پر میکرون کے ساتھ ہونے والی نجی گفتگو کا اسکرین شاٹ شیئر کر دیا۔ اس گفتگو میں میکرون نے لکھا تھا کہ انہیں سمجھ نہیں آ رہا کہ ٹرمپ گرین لینڈ کے حوالے سے کیا کرنا چاہتے ہیں ۔اس پیغام میں میکرون نے ٹرمپ کو اپنا ’دوست‘ قرار دیتے ہوئے کہا کہ وہ ایران اور شام کے معاملے پر مکمل طور پر ان کے ساتھ متفق ہیں۔