سپریم لیڈر ایران کی دھمکی کے باوجود ٹرمپ مذاکرات کے لیے پر امید

واشنگٹن: ایران کے سپریم لیڈر آیت اللہ خامنہ ای کی جانب سے علاقائی جنگ کی دھمکی کے باوجود امریکی صدر ٹرمپ ایران کے ساتھ معاہدے کے امکانات پر پر امید ہیں۔

آیت اللہ خامنہ ای نے خبردار کیا کہ امریکا کی جانب سے کسی بھی حملے کی صورت میں ایرانی قوم سخت جواب دے گی۔ انہوں نے واضح کیا کہ ایران کسی پر حملہ نہیں کرتا مگر دفاعی اقدامات یقینی ہوں گے۔

امریکی صدر ٹرمپ نے کہا کہ مذاکرات کی امید ہے اور اگر کوئی بات طے نہ ہوئی تو پھر دیکھیں گے کہ خامنہ ای کی دھمکی کتنی درست تھی۔ امریکا نے مشرق وسطیٰ میں اپنی فوجی موجودگی بڑھا دی ہے اور خطے میں متعدد جہاز تعینات کیے ہیں۔