ٹرمپ کا غزہ امن بورڈ چارٹر 60 ممالک کو ارسال، رکنیت کی شرط ایک ارب ڈالر

واشنگٹن: امریکی صدر ڈونلڈ ٹرمپ کے غزہ امن بورڈ چارٹر کا مسودہ 60 ممالک کو بھیج دیا گیا ہے، جس کے تحت طویل مدت کی رکنیت کے لیے ایک ارب ڈالر سے زائد فنڈ دینے کی شرط رکھی گئی ہے۔
چارٹر کے مطابق جو ممالک بورڈ میں 3 سال سے زائد کی رکنیت چاہتے ہیں، انہیں کم از کم ایک ارب ڈالر فراہم کرنا ہوں گے۔ تاہم، جو ممالک پہلے سال میں یہ رقم فراہم کر دیں گے، ان پر تین سالہ رکنیت کی شرط لاگو نہیں ہوگی۔
بورڈ کے چیئرمین کی منظوری سے رکنیت کی مدت میں توسیع ممکن ہوگی۔
وائٹ ہاؤس نے بورڈ کے ناموں کا بھی اعلان کیا، جس میں میجر جنرل جیسپر جیفرز کو عالمی استحکام فورس کا کمانڈر مقرر کیا گیا۔ بورڈ آف پیس میں مارکو روبیو، اسٹیو وٹکوف، جیرڈ کشنر، ٹونی بلیئر، مارک روون، اجے بنگا اور رابرٹ گیبریل شامل ہیں، جبکہ آریے لائٹ اسٹون اور جوش گرون بام سینئر مشیر مقرر ہوئے۔
نکولے ملادینوف بورڈ آف پیس کے ایگزیکٹو رکن اور غزہ کے نمائندہ اعلیٰ کے طور پر خدمات انجام دیں گے۔ صدر ڈونلڈ ٹرمپ بورڈ کے سربراہ ہوں گے۔