غزہ بورڈ آف پیس پر پاکستان سمیت 20 ممالک کے دستخط، جنگیں رکوا کر کروڑوں جانیں بچائیں: ٹرمپ
Web Desk
22 January 2026
امریکا کے صدر ڈونلڈ ٹرمپ نے دعویٰ کیا ہے کہ انہوں نے صرف 10 ماہ کے دوران 8 جنگیں رکوائیں جن میں جوہری طاقتوں پاکستان اور بھارت کے درمیان ممکنہ جنگ بھی شامل ہے۔ ان کا کہنا تھا کہ وزیراعظم شہباز شریف نے اس موقع پر کہا کہ ان کوششوں سے کروڑوں جانیں بچ گئیں۔
سوئٹزرلینڈ کے شہر ڈیووس میں ورلڈ اکنامک فورم کے 56ویں سالانہ اجلاس کے موقع پر غزہ بورڈ آف پیس پر دستخط کی تقریب منعقد ہوئی، جس میں پاکستان بھی شامل ہوا۔ پاکستان کی جانب سے وزیراعظم محمد شہباز شریف نے بورڈ آف پیس پر دستخط کیے، جبکہ تقریب کے دوران صدر ٹرمپ اور وزیراعظم شہباز شریف کے درمیان غیر رسمی گفتگو اور سرگوشیاں بھی توجہ کا مرکز بنیں۔
غزہ بورڈ آف پیس پر امریکا سمیت 20 ممالک نے دستخط کیے، جن میں پاکستان، سعودی عرب، قطر، ترکیہ، انڈونیشیا، آذربائیجان، ارجنٹائن، ہنگری، بلغاریہ، قازقستان، کوسوو اور پیراگوئے شامل ہیں۔ صدر ٹرمپ نے وزیراعظم شہباز شریف سے دستخط کرنے پر اظہارِ تشکر بھی کیا۔
تقریب سے خطاب کرتے ہوئے امریکی صدر نے کہا کہ مشرق وسطیٰ میں پائیدار امن کے لیے امریکا سنجیدہ کوششیں کر رہا ہے اور امریکی وزیر خارجہ کی کاوشوں سے اس اہم تقریب کا انعقاد ممکن ہوا۔ انہوں نے کہا کہ ہم نے ناممکن کو ممکن بنایا اور امن کے لیے کی جانے والی کوششوں کی کامیابی کے لیے پرامید ہیں۔
صدر ٹرمپ نے کہا کہ غزہ پیس بورڈ میں مزید ممالک شامل ہونا چاہتے ہیں، یوکرین اور روس کی جنگ میں ہزاروں افراد مارے جا رہے ہیں، تاہم انہوں نے روسی صدر ولادیمیر پیوٹن سے بات چیت کا دعویٰ بھی کیا۔
پاک بھارت کشیدگی کا دوبارہ ذکر کرتے ہوئے صدر ٹرمپ نے کہا کہ پاکستان اور بھارت دونوں جوہری طاقتیں ہیں اور ان کے درمیان جنگ رکوانا ایک بڑی کامیابی تھی۔ انہوں نے کہا کہ اسرائیل اور ایران، سربیا اور کوسوو، تھائی لینڈ اور کولمبیا کے تنازعات ختم کرائے جبکہ مصر اور ایتھوپیا کے درمیان تنازع کے حل میں بھی امریکا نے کردار ادا کیا۔
امریکی صدر نے دعویٰ کیا کہ ایران دو ماہ میں جوہری طاقت بن سکتا تھا، تاہم امریکا نے اس کی جوہری صلاحیت ختم کر دی۔ انہوں نے کہا کہ حماس کو غیر مسلح ہونا ہوگا، اگر ایسا نہ ہوا تو سخت کارروائی کی جائے گی۔
صدر ٹرمپ کا کہنا تھا کہ گزشتہ برس کے مقابلے میں آج دنیا زیادہ محفوظ ہے، امریکی فوج دنیا کی طاقتور ترین فوج ہے، امریکا ایران سے مذاکرات کے لیے تیار ہے، شام پر عائد تمام پابندیاں ختم کر دی گئی ہیں اور امریکا عالمی اداروں کے ساتھ مل کر امن کے لیے کام جاری رکھے گا۔
انہوں نے کہا کہ غزہ کو غیر مسلح کرکے اس کی تعمیر نو کی جائے گی اور امریکا کی ترقی دنیا کی ترقی کا باعث بنے گی۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026